أول حرف

يمكن مع الوقت تذكرني ويطريلك ... بس إفتح الظرف هذا شوي وإقراها

ما راح تخسر سوى تنشيف منديلك ... خايف يعذبك في التفسير معناها

بتشوف حرفين أول حرف يعنيلك ... والثاني إتراه يعني لي في مغزاها

وفي السطر لول تلاقي بيت يحكيلك ... يقول لك عن جروح الحب ودواها

والثاني إحروف إسم فيه تدليلك ... والثــالث وعود قبل العــام قلناها

والرابع إتراه كلمة سر توصيلك ... هي أربع أعداد والخامس في مبداها

وباقي القصيدة لزمها بس تحكيلك ... وإن كان صعبت عليك إرتاح ونساها